KPMG сарапшысының қонақ дәрісі
KPMG сарапшысының қонақ дәрісі
Қазақ-Американдық Университетінде әлемдегі жетекші аудиторлық және консалтингтік ұйымдардың бірі — KPMG халықаралық компаниясы өкілдерінің қатысуымен «Аудит кезеңдері: теория және практика» тақырыбында қонақ дәрісі өтті.
Спикер ретінде KPMG аудит департаментінің аға менеджері Рашит Санчиров сөз сөйледі. Кездесу барысында ол аудиттік тексерудің негізгі кезеңдері — жоспарлаудан бастап аудитті аяқтау және аудиторлық қорытынды дайындауға дейінгі процестер туралы толық айтып берді.
Практикалық жұмыс ерекшеліктеріне, сапа стандарттарына және қаржылық есептілікке қойылатын талаптарға ерекше назар аударылды.
Студенттер аудит саласындағы нақты жұмыс процестерімен танысып, клиенттермен өзара әрекеттесу ерекшеліктерін білді және халықаралық компанияның тәжірибелі маманына сұрақ қою мүмкіндігіне ие болды.
Мұндай іс-шаралар KAU-дың кәсіби қауымдастықпен байланысын нығайтуға және қаржы мен аудит саласында бәсекеге қабілетті мамандар даярлауға бағытталған білім беру саясатының маңызды бөлігі болып табылады.