KAU және Mediterranean College серіктестігі

Қазақ-Американ Университетінің делегациясы KAU президенті Асылбек Исаховтың жетекшілігімен Mediterranean College басшылығымен өзара түсіністік туралы Меморандумға қол қойды.

Mediterranean College британдық стандарттар бойынша білім беру бағдарламаларын жүзеге асыратын Грекиядағы алғашқы тәуелсіз академиялық колледж болып табылады. Жаңа серіктестік KAU студенттері мен оқытушыларына тәжірибе алмасуға, халықаралық жобаларға қатысуға және кәсіби көкжиегін кеңейтуге мүмкіндік береді.

Кездесу барысында тараптар стратегиялық әріптестіктің негізгі бағыттарын, соның ішінде академиялық мобильділік, қос диплом бағдарламалары, сондай-ақ бизнестегі жасанды интеллект және цифрлық маркетинг салаларындағы бірлескен бастамаларды талқылады.

Бұл ынтымақтастық студенттердің әлемдік еңбек нарығында бәсекеге қабілетті маман болып қалыптасуына және өз елінің дамуына озық инновацияларды енгізуіне ықпал етеді.