KAU президентінің Гарвард университетіне сапары

Қазақ-Американ Университетінің президенті Асылбек Исахов Davis Center for Russian and Eurasian Studies орталығына барды. Бұл орталық Гарвард университетінің Ресей, Орталық Азия және жалпы Еуразия өңірін зерттеуге маманданған жетекші ғылыми-зерттеу орталықтарының бірі болып саналады.

Орталық директорының орынбасары Крис Мартинмен және Анара Абдыбековамен өткен кездесу барысында тараптар KAU-дың академиялық серіктес ретіндегі әлеуетін және бірлескен ғылыми бастамаларды іске қосу мүмкіндіктерін талқылады. Орталық Азия өңірі үшін өзекті зерттеулер саласындағы ынтымақтастық мүмкіндіктеріне ерекше назар аударылды.

Davis Center for Russian and Eurasian Studies 1948 жылы құрылған және еуразиялық зерттеулер саласындағы ең көне әрі беделді ғылыми-зерттеу орталықтарының бірі болып табылады. Орталық өңірдің тарихын, саясатын, мәдениеті мен қоғамын жоғары академиялық деңгейде зерттейтін ғалымдарды, студенттерді және сарапшыларды біріктіреді.

KAU президентінің Гарвард университетіне сапары университеттің әлемдік жетекші ғылыми-зерттеу институттарымен серіктестік байланыстарды дамытуға және халықаралық ғылыми қатысуын кеңейтуге бағытталған жүйелі бағытын айқындайды.