KAU
Жаңалықтар мен оқиғалар 21.11.2026

КАУ-де сыбайлас жемқорлыққа қарсы іс-қимылдағы азаматтық қоғамның рөлі талқыланды

2026 жылғы 9 қарашада Қазақ-Американ университетінде «Сыбайлас жемқорлыққа қарсы іс-қимылдағы азаматтық қоғамның рөлі» тақырыбында қонақ дәрісі өтті.

Кездесуді КАУ түлегі, «Халықаралық қаржы-шаруашылық арбитраждық соты» ЖШС төрағасы Дінмұхамед Нұрланұлы Қожамуратов ашып, шақырылған спикерді таныстырды.

Дәрісті Халықаралық қаржы-шаруашылық арбитраждық сотының арбитрі, адвокат Асқат Ибрагимұлы Сүлубек оқыды. Ол ЕҚЫҰ бағдарламасы аясында Қазақстан Республикасы Жоғары Сот Кеңесі мен Жоғарғы Сотының қатысуымен судьялардың біліктілігін арттыру курстарынан өткен.

Кездесу барысында қатысушылар азаматтық қоғамның сыбайлас жемқорлықтың алдын алудағы рөлін, қоғамдық бақылаудың маңызын және құқықтық мәдениетті қалыптастыру мәселелерін талқылады. Әрбір азаматтың жеке жауапкершілігіне және оның әділетті әрі ашық қоғам қалыптастыруға қосатын үлесіне ерекше назар аударылды.

Дәріс студенттерге сыбайлас жемқорлыққа қарсы іс-қимылдың практикалық аспектілерімен танысуға, өзекті құқықтық мәселелерді талқылауға және заң қауымдастығының өкілімен пікір алмасуға мүмкіндік берді.

СҰРАҚТАРЫҢЫЗ
ҚАЛДЫ МА?
ӨТІНІМ ҚАЛДЫРЫҢЫЗ

Біздің кеңесшіміз сізбен жақын арада хабарласып, барлық сұрақтарыңызға жауап береді.