KAU-дағы жеңілдіктер: білім беру орталықтарының талапкерлеріне арналған мүмкіндіктер

KAU білім беру орталықтарымен серіктестік желісін белсенді түрде дамытып келеді. Бұл талапкерлер үшін қосымша мүмкіндіктерге жол ашады.

KAU-мен бірлесіп өткізілетін олимпиадаларда жүлделі орын алған білім беру орталықтарының талапкерлері GPA 3,33-тен төмен болмаған жағдайда бүкіл оқу кезеңіне гранттар мен жеңілдіктер алады: бірінші орынға – 100%, екінші орынға – 50%, үшінші орынға – 25% жеңілдік беріледі. 4-орыннан 10-орынға дейін иеленген қатысушыларға GPA 2,67-ден төмен болмаған жағдайда бір оқу жылына 20% жеңілдік қарастырылған. Жеңілдікті рәсімдеу үшін олимпиада жеңімпаздары мен жүлдегерлерінің грамоталары, дипломдары және сертификаттары қажет.

KAU-мен меморандумдар және ынтымақтастық туралы келісімдер жасасқан білім беру орталықтарынан оқуға түсетін талапкерлер GPA 2,67-ден төмен болмаған жағдайда бір оқу жылына 15% жеңілдік алады. Бұл жеңілдікті рәсімдеуге ағымдағы жылы берілген білім беру орталығының сертификаты негіз болады.

Маңызды: жүлдегерлердің ҰБТ сертификатындағы балы кемінде 80 болуы тиіс, ал «Құқық» бағыты бойынша – кемінде 75 балл. Сонымен қатар «Математикалық сауаттылық» және «Оқу сауаттылығы» пәндері бойынша кемінде 3 балл, екі бейіндік пән мен «Қазақстан тарихы» пәні бойынша кемінде 5 балл болуы қажет.

Барлық жеңілдіктер растайтын құжаттар болған жағдайда ғана беріледі. Бұл – жеңілдіктердің төрт түрі туралы материалдар сериясындағы соңғы жарияланым. Қалған түрлерімен алдыңғы жарияланымдарымыздан таныса аласыз.

Қабылдау комиссиясының байланыс деректері:
Тел.: +7 700 199 70 22 / +7 727 323 12 26
Мекенжай: Алматы қ., Рысқұлбеков көшесі, 28