KAU-дағы Халықаралық жазғы мектеп: алғашқы күн қалай өтті

Қазақ-Американ Университетінде «Болашақ дипломатиясы: цифрлық дәуірдегі халықаралық қатынастар» атты Халықаралық жазғы мектептің алғашқы күні басталды. Бағдарлама KAU кампусымен танысудан басталып, кейін мектептің ресми ашылу салтанатына ұласты.

Күннің бірінші жартысындағы басты оқиға үш сағаттық лекциялық блок болды. Дипломатия және халықаралық қатынастар саласындағы жетекші сарапшылар қатысушыларға бағдарламаның өзекті тақырыптарын таныстырып, цифрлық дәуірдің негізгі сын-қатерлерін атап өтті және кәсіби пікір алмасуға мүмкіндік берді.

Күннің екінші жартысы қаламен танысуға арналды. Қатысушылар Қазақстан Республикасының Орталық ұлттық музейіне барып, елдің тарихы мен мәдениетімен жақынырақ танысты. Ал қала бойынша экскурсия оңтүстік астананы жаңа қырынан көруге мүмкіндік берді.

Алғашқы күн KAU алаңындағы командалық белсенділіктермен аяқталды. Бұл формат жеті елдің университеттерінен келген қатысушыларды біріктіріп, апта бойы еркін қарым-қатынас пен кәсіби өзара әрекеттестікке негіз қалады.

Халықаралық жазғы мектеп 28 маусымға дейін жалғасады. Қатысушыларды алда жаңа лекциялар, мастер-класстар, дипломатиялық корпус және халықаралық ұйымдар өкілдерімен кездесулер күтеді.