Италия Елшілігінің атташесі KAU студенттеріне дәріс өткізді

Италия Елшілігінің атташесі KAU студенттеріне дәріс өткізді

Италияның Қазақстан Республикасындағы Елшілігінің атташесі Эдоардо Кризафулли Қазақ-Американдық Университетінің студенттеріне дипломатиядағы «жұмсақ күш» пен этномәдени эмпатияның рөлі туралы дәріс өткізді. Іс-шара «Астана» дипломатиялық клубының қолдауымен ұйымдастырылды.

Өз сөзінде спикер қазіргі халықаралық қатынастардағы «жұмсақ күш» пен мәдени дипломатияның маңызын атап өтіп, диалог, мәдени әртүрлілікке құрмет және этномәдени эмпатия тиімді дипломатиялық өзара іс-қимылдың негізі екенін түсіндірді.

Қазақстан мен Италияның мәдениет және өнер саласындағы ынтымақтастығына, бірлескен жобаларға және Қазақстанның халықаралық көрмелерге қатысуына ерекше назар аударылды.

Дәріс ашық талқылау форматында өтіп, халықаралық қатынастар мен мәдени дипломатияға қызығушылық танытатын студенттердің белсенді қызығушылығын тудырды.