AI-дың бизнеске әсері бойынша воркшоп

21 сәуірде Қазақ-Америка университетінде SITE өкілінің қатысуымен «Жасанды интеллект бизнес пен кәсіпкерлікке қалай әсер етеді?» тақырыбында воркшоп өтеді.

Іс-шара барысында қатысушылар жасанды интеллектті қолданудың нақты кейстерімен танысып, практикалық құралдарды меңгеріп, заманауи технологиялардың бүгінгі күні бизнес-процестер мен кәсіпкерлік қызметті қалай өзгертетінін түсіне алады.

Спикер ретінде SITE профессоры, бизнес-стратег және Google сертификатталған маманы Эрик Манзанарес сөз сөйлейді.

Воркшоп бағдарламасы практикалық жағдайларды талдауды, аудиториямен интерактивті жұмысты және сұрақ-жауап сессиясын қамтиды. Іс-шараның маңызды бөлігі ретінде финалистерді жариялау және қатысушыларды марапаттау жоспарланған. Бағдарлама аясында ағымдағы жылдың күзінде Мадридке білім беру сапары қарастырылған.

Іс-шара 21 сәуір күні сағат 11:30-дан 13:00-ге дейін Алматы қаласы, Рысқұлбеков көшесі, 28 мекенжайындағы Қазақ-Америка университетінде өтеді.

Қатысу үшін алдын ала тіркелу қажет. Орын саны шектеулі.

Тіркелу сілтемесі: https://forms.gle/rebDZWPM37HxS2JGA