Практикадағы Performance-маркетинг: КАУ-де Meta және TikTok платформаларындағы жарнама құралдары талқыланды
Жарнаманы баптау — digital ілгерілетудің бір ғана кезеңі. Табысты жарнамалық науқанның артында аудиторияны талдау, бюджетті сауатты бөлу, маркетингтік гипотезаларды тестілеу және тиімділік көрсеткіштерімен үздіксіз жұмыс істеу жатыр.
Performance-маркетингтің практикалық қырларына Қазақ-Америка университеті студенттеріне арналған цифрлық жарнама саласының сарапшысы Сергей Сущенконың қонақ дәрісі арналды.
Кездесудің негізгі тақырыбы әлемдегі ең ірі екі жарнамалық платформа — Meta және TikTok болды. Қатысушылар ақылы жарнамалық науқандарды іске қосу тәсілдерімен, мақсатты аудиториямен жұмыс істеу ерекшеліктерімен және жарнамалық ілгерілетуді оңтайландыру мүмкіндіктерімен танысты.
Performance-маркетингтің басты ерекшеліктерінің бірі — өлшенетін нәтижеге бағдарлану. Студенттер жарнаманың тиімділігін бағалау кезінде неліктен тек қаралымдар мен қамту көрсеткіштерін ескерудің жеткіліксіз екенін, конверсия мен клиент тарту құны көрсеткіштерінің қандай рөл атқаратынын, сондай-ақ деректердің жарнамалық стратегияны түзетуге қалай көмектесетінін білді.
Дәріс заманауи digital-маркетологтың креативті ойлауды аналитикалық дағдылармен ұштастыра білуі, жарнамалық платформалардың алгоритмдерін түсінуі және қабылдаған шешімдерінің бизнес көрсеткіштеріне әсерін бағалай алуы қажет екенін көрсетті.
Осындай құралдармен танысу студенттеріміздің кәсіби құзыреттерін кеңейтіп, цифрлық маркетинг саласындағы практикалық міндеттерді тереңірек түсінуіне мүмкіндік береді.
