KAU-дың East China University of Science and Technology университетіне сапары

Қазақ-Америка Университетінің өкілдері Шанхайдағы жетекші зерттеу жоғары оқу орындарының бірі – East China University of Science and Technology (ECUST) университетіне барды. 1952 жылы құрылған бұл оқу орны Қытай мемлекетінің қолдауымен дамып келе жатқан әлемдік деңгейдегі университеттер қатарына кіреді және химия, инженерия мен заманауи технологиялар салаларындағы елдің ең қуатты ғылыми орталықтарының бірі саналады.

ECUST университетінің халықаралық байланыстар департаменті және Бизнес-мектебінің өкілдерімен өткен жұмыс кездесуі барысында тараптар студенттік ұтқырлық бағдарламаларын, халықаралық экономика бойынша бірлескен курстарды және ғылыми ынтымақтастықтың перспективаларын талқылады. Келіссөздер қорытындысында өзара іс-қимылдың нақты бағыттары мен екі университеттің академиялық мүдделері тоғысатын салалар айқындалды.

ECUST-пен серіктестікті дамыту KAU студенттеріне академиялық алмасу бағдарламаларына қатысуға, ал оқытушыларға Қытайдың жетекші ғылыми орталықтарының біріндегі әріптестерімен бірлескен зерттеу жобаларын жүзеге асыруға нақты мүмкіндік береді.