KAU уран өнеркәсібінде ЖИ қолдану туралы баяндама ұсынды

Алматы қаласында орналасқан Қазақстан-Британ техникалық университетінде Қазатомөнеркәсіп ҰАК АҚ ұйымдастырған Уран және сирек металдар өнеркәсібін дамыту атты XII Халықаралық ғылыми-практикалық конференция өтті.

Іс-шара әлемнің 34 елінен келген 1000-ға жуық жетекші ғалымды, зерттеушіні, салалық компания өкілдерін және сарапшыларды біріктірді. Қатысушылар атом саласын дамытудың негізгі бағыттарын, соның ішінде уранды өндіру және өңдеу технологияларын, геология мен геотехнологияларды, сирек және сирекжер металдарының ресурстарын, өндірістік процестерді цифрландыруды, роботтандыруды, өнеркәсіптік қауіпсіздікті және тұрақты даму мәселелерін талқылады.

KAU атынан цифрландыру жөніндегі басқарушы директор, экономика ғылымдарының кандидаты, МАИН академигі, Қазақстан Республикасының атом өнеркәсібінің еңбек сіңірген қызметкері Байтасов Калилалло Маркисович қатысты.

Ол Уран өнеркәсібіндегі өндірістік процестердің тиімділігі мен қауіпсіздігін арттыру үшін ақпараттық технологиялар мен жасанды интеллектіні қолдану тақырыбында баяндама жасады.

Қазатомөнеркәсіп ҰАК АҚ – табиғи уран өндіру бойынша әлемдік жетекші компания. Компания Қазақстан Республикасының уран, ядролық отын және сирек металдар экспорты мен импорты жөніндегі ұлттық операторы болып табылады.

Қазақстан-Британ техникалық университеті – Алматы қаласында орналасқан Қазақстандағы жетекші техникалық жоғары оқу орындарының бірі.

metalmininginfo.kz/archives/12368