Дипломатиялық клуб спикерінің қонақ дәрісі

Дипломатиялық клуб спикерінің қонақ дәрісі

Қазақ-Американдық университетінде (KAU) «Астана» дипломатиялық клубымен ынтымақтастық аясында қазақстандық дипломаттар жұбайлары қауымдастығының төрайымы, жазушы және лингвист Гүлістан Хамзаеваның ашық дәрісі өтті.

Гүлістан Хамзаевамен кездесу барысында KAU президенті Асылбек Исахов қонаққа университетке келгені үшін алғыс білдіріп, мұндай дәрістер студенттердің коммуникациялық дағдыларын дамытуда маңызды рөл атқаратынын атап өтті.

Өз кезегінде Дипломатиялық клубтың спикері жылы қабылдау үшін ризашылығын білдіріп, университетпен бірлескен білім беру бастамаларын жүзеге асыруға қызығушылық танытты.

Ағылшын тілінде өткен дәріс барысында Гүлістан Хамзаева көпшілік алдында сөйлеу мен шешендік өнердің тиімді әдістері туралы тәжірибесімен бөлісті.

Спикер студенттерге сенімді сөйлеудің маңызды құралдарының бірі саналатын «үштік қағидасын» таныстырды. Сонымен қатар сөз құрылымы, ырғақ пен қайталауды тиімді қолдану ерекшеліктеріне және жеке тәжірибесіне ерекше назар аударылды.

Кездесу интерактивті әрі еркін форматта өтіп, студенттер өздерін қызықтырған сұрақтарын қойып, мазмұнды жауаптар мен практикалық кеңестер алды.