ҚАУ студенттері Қазақстан Республикасы Ұлттық банкінің музейіне барды

ҚАУ студенттері Қазақстан Республикасы Ұлттық банкінің музейіне барды

Қазақстанның ұлттық валюта күні мен Қазақстан Республикасының Тәуелсіздік күні қарсаңында Қазақ-Американдық университетінің студенттері ҚР Ұлттық банкінің музейіне барып, танымдық экскурсияға қатысты.

Экскурсияны ҚР Ұлттық банкі музейінің меңгерушісі Гаухар Сангулова жүргізіп, Қазақстан аумағындағы ақша айналымының тарихы — Ұлы Жібек жолының алғашқы монеталарынан бастап, ел тәуелсіздігінің символына айналған қазіргі теңгеге дейінгі кезең туралы баяндады.

Музей экспозициясы сирек кездесетін монеталар мен банкноталар жиынтығы ғана емес, сонымен қатар қаржы жүйесінің қалыптасу кезеңдерін көрсететін тарихи саяхат болды. Студенттер Отырар, Тараз және Сарайшықтан табылған көне артефактілерді, кеңестік кезеңге арналған экспонаттарды, банк қызметкерлерінің формаларын, архивтік құжаттар мен жиһаздарды көрді.

Экскурсия барысында ерекше қызығушылық тудырған бөлімдердің бірі — 1993 жылы ұлттық валюта теңгенің енгізілуі мен халықаралық деңгейде мойындалған қазақстандық монеталарға арналған экспозиция болды.

Экскурсиядан кейін ҚР Ұлттық банкінің қызметкері Гүлжан студенттерге қаржылық сауаттылық бойынша дәріс өткізіп, жаңа банкноталар мен олардың қорғаныс деңгейлері туралы айтты.

Іс-шараға ПД-24-1,2,3; МО-24-3,4,5; АиНК-24-1,2; АиНК-23-1,2; ИИБиТ-25-1 топтарының студенттері қатысты.

Студенттерге ҚАУ эдвайзері, ассистент-профессор Әжігүжаева А.Б. жетекшілік етті.

Экскурсия студенттердің экономикалық және қаржылық білімдерін кеңейтуге ықпал еткен маңызды білім беру іс-шарасына айналды.