Қазақ-Американдық университеті мен MSSP Global Information Security киберқауіпсіздік саласында ынтымақтастық туралы меморандумға қол қойды

Қазақ-Американдық Университеті мен MSSP Global Information Security киберқауіпсіздік саласында ынтымақтастық туралы меморандумға қол қойды.

8 қарашада Қазақ-Американдық Университеті (ҚАУ) және ақпараттық қауіпсіздік саласында маманданған халықаралық MSSP Global Information Security компаниясы киберқауіпсіздік бағытындағы білім беру бағдарламаларын дамыту мақсатында ынтымақтастық туралы меморандумға қол қойды.

Бұл келісім ҚАУ студенттерін цифрлық экономиканың ең сұранысқа ие әрі маңызды салаларының бірінде кәсіби қызметке даярлаудағы маңызды кезең болып табылады.

Ынтымақтастықтың негізгі мақсаты — студенттерге киберқауіпсіздік саласындағы негізгі құзыреттерді меңгеруге мүмкіндік беретін заманауи оқу бағдарламаларын әзірлеу.

MSSP Global университетке ресурстар, сарапшылар қолдауы және ақпаратты қорғау саласындағы озық технологияларға қолжетімділік ұсынады.

Жаңа курстар мен практикалық сабақтар студенттерге кибершабуылдарға қарсы тұру және тез өзгеріп жатқан цифрлық ортада деректер қауіпсіздігін қамтамасыз ету үшін қажетті заманауи әдістер мен құралдарды меңгеруге мүмкіндік береді.

Бұл ынтымақтастық ҚАУ студенттері үшін жаңа мансаптық мүмкіндіктер ашып, университеттің Қазақстан мен Орталық Азияда киберқауіпсіздік мамандарын даярлаудағы жетекші оқу орындарының бірі ретіндегі орнын нығайтады.