KAU студенттері Жастар әдеби шеберханасының қатысушылары атанды

Қазақ-Америка университетінің студенттері Алматы Ашық әдеби мектебі ұйымдастырған және Chevron компаниясы мен Қазақстандағы АҚШ Дипломатиялық миссиясының қолдауымен жүзеге асырылатын Жастар әдеби шеберханасына іріктеуден сәтті өтті.

Байқау қорытындысы бойынша ҚАУ-дың үш студенті бағдарламаға қатысу мүмкіндігіне ие болды:

Амиртаева Аяжан негізгі қатысушылар қатарына грант негізінде қабылданды;
Берманов Абай негізгі қатысушылар қатарына грант негізінде қабылданды;
Адилжан Айлина бағдарламаны ақысыз түрде тыңдаушы ретінде өту және қатысушы сертификатын алу мүмкіндігіне ие болды.

Бұл жетістіктің ерекшелігі, аталған студенттердің барлығы ҚАУ жанындағы «Точка чтения» әдеби клубының мүшелері болып табылады. Байқауға дайындық барысында олардың шығармашылық жұмыстары жетілдіріліп, мәтіндері редакцияланып, конкурстық материалдары кәсіби деңгейде дайындалды.

Ресми жарияланған тізімге сәйкес, Жастар әдеби шеберханасының негізгі қатысушылары қатарында Қазақстанның әртүрлі қалаларынан іріктелген 16 жас автор бар. Олардың қатарында Алматы, Астана, Шымкент және Щучинск қалаларынан келген Аружан Абугалиева, Аяжан Амиртаева, Диана Артемьева, Айдар Аспан, Абай Берманов, Полина Ветлугина, Амира Жанали, Вениамин Кадатских, Василиса Луговская, Дилдора Мамыржанова, Меир Миран, Камила Нурахмет, Тимофей Павлов, Арайлым Сапар, София Сарьян және Дамира Турмухамбетова бар.

Шеберханаға қатысу студенттерге тәжірибелі жазушылармен және әдебиет саласының мамандарымен жұмыс істеуге, шығармашылық әлеуетін дамытуға және университет бағдарламасынан тыс кәсіби тәжірибе жинақтауға мүмкіндік береді.

Бұл жетістік ҚАУ студенттерінің жоғары дайындық деңгейін көрсетіп қана қоймай, «Точка чтения» әдеби клубының жұмысы нақты нәтижелер беріп отырғанын дәлелдейді.