KAU атом энергетикасының болашағына арналған халықаралық семинарда баяндама жасады

2026 жылғы 24 қыркүйекте Бішкек қаласында «Росатом» мемлекеттік корпорациясының және Қырғызстан Энергетика ардагерлері кеңесінің қолдауымен «Қырғызстанда атом энергетикасы мен технологияларын дамыту перспективалары» атты халықаралық семинар өтті. Іс-шараны Атом энергетикасы және өнеркәсібі ардагерлерінің халықаралық одағы (МСВАЭП) ұйымдастырды.

Семинарға Қырғызстан, Қазақстан, Ресей, Қытай, Тәжікстан, Өзбекстан және басқа да елдердің атом және энергетика саласының ардагерлері, сарапшылары, қоғамдық ұйымдар мен жастар бірлестіктерінің өкілдері қатысты. Сондай-ақ «Росатом» мемлекеттік корпорациясы Қоғамдық кеңесінің мүшелері де бас қосты.

Қазақ-Америка университетінің цифрландыру жөніндегі басқарушы директоры К.М. Байтасов «Квазитабиғи жерасты ядролық реакторы (КПЯР): табиғи қауіпсіздік қағидаттарына негізделген шағын қуатты модульдік реактор тұжырымдамасы» тақырыбында баяндама жасады.

Баяндамада қолданыстағы технологияларды қарапайым модульдік жүйеге біріктіретін энергетикалық қондырғының инновациялық тұжырымдамасы таныстырылды. Дәстүрлі шағын модульдік реакторлардан (SMR) айырмашылығы, ұсынылған тәсіл жаңа реактор немесе отын түрін әзірлеуге емес, энергетикалық жүйенің жаңа архитектурасын қалыптастыруға негізделген.

Сонымен қатар тұжырымдаманың технологиялық іске асырылу мүмкіндіктері мен оны Қырғызстанның шалғай өңірлері мен тау-кен кәсіпорындарын автономды энергиямен қамтамасыз ету үшін қолдану перспективалары қарастырылды.

Семинар барысында қатысушылар атом энергетикасының даму келешегін, оның төмен көміртекті экономикаға көшу үдерісіндегі рөлін және заманауи шағын модульдік реакторлар технологияларының мүмкіндіктерін талқылады.

Қазақ-Америка университетінің халықаралық ғылыми және сараптамалық алаңдардағы белсенді қатысуы университеттің энергетика, цифрлық технологиялар және орнықты даму салаларындағы зерттеу әлеуетін нығайтуға ықпал етеді.