Студенттік ұйымдар жәрмеңкесі

Студенттік ұйымдар жәрмеңкесі

KAU университетінде белсенді студенттік ортаны дамытуға және білім алушыларды университеттің қоғамдық өміріне тартуға бағытталған дәстүрлі Студенттік ұйымдар жәрмеңкесі өтті.

Іс-шара бастамашыл студенттер мен университет өмірінің белсенді бөлігі болуға ұмтылатын жастарды біріктірді. Қатысушылар жұмыс істеп тұрған ұйымдардың қызметімен, жобаларымен және алдағы жоспарларымен танысу мүмкіндігіне ие болды.

Жәрмеңкеге келесі студенттік ұйымдар қатысты:

• Ұлттық аспаптар ансамблі
• Kauzen
• Kauband
• Alliance KAU
• Basketball Club
• Volleyball Club
• Football Club
• Media Club
• Speaking Club
• Taugashyk
• Book Club
• Verites Debate

Көрме барысында ұйым белсенділері клубтардың қызметі, жұмыс форматы, жетістіктері мен даму перспективалары туралы ақпарат берді. Студенттер өздерін қызықтырған сұрақтарын қойып, бірден ұйымдарға қосылу мүмкіндігіне ие болды.

Жәрмеңке біртұтас студенттік қауымдастықты қалыптастырудағы маңызды қадам болды. Әсіресе бірінші курс студенттері үшін бұл университеттік ортаға бейімделудің тиімді алаңына айналды.

KAU студенттердің бастамаларын жүйелі түрде қолдап, олардың жан-жақты дамуына және университет өміріне белсенді қатысуына жағдай жасайды.