KAU және Малайзия университеті серіктестік орнатты

KAU және Малайзия университеті серіктестік орнатты

Қазақ-Американдық университетінде (KAU) Open University Malaysia (OUM) делегациясымен кездесу өтіп, оның қорытындысы бойынша ынтымақтастық туралы меморандумға қол қойылды.

Кампус-тур барысында Малайзиядан келген қонақтар KAU инфрақұрылымымен танысып, университеттің негізін қалаушы Амирлан Қусаиновқа арналған музейді аралап, студенттермен кездесті.

Өз кезегінде OUM ректоры университеттің 2000 жылы құрылғанын және Малайзияның жетекші мемлекеттік университеттері консорциумының құрамына кіретінін атап өтті.

Университеттің басты артықшылығы — икемді онлайн оқу моделі. Бұл жүйе кәсіби тәжірибені ескере отырып оқуға түсуге және жұмыстан қол үзбей білім алуға мүмкіндік береді. Сонымен қатар OUM Азия, Еуропа және Африка елдерін қамтитын кең халықаралық білім беру желісіне ие.

Кездесу барысында студенттер мен оқытушылардың екіжақты академиялық ұтқырлығын дамыту, қашықтықтан оқытудың бірлескен білім беру бағдарламаларын іске қосу және цифрлық экономиканың сұраныстарына бағытталған зерттеу жобаларын жүзеге асыру мәселелері талқыланды.

Кездесу қорытындысы бойынша екі университет арасындағы ұзақ мерзімді ынтымақтастықтың негізін қалайтын меморандумға қол қойылды.