KAU және BI University меморандумға қол қойды

KAU және BI University меморандумға қол қойды

Қазақ-Американдық Университеті (KAU) мен BI University білім беру қызметі саласындағы серіктестік туралы меморандумға қол қойды.

Келісімге Астана қаласында KAU президенті Асылбек Исахов пен BI University директоры Ернар Ұзақбаев қол қойды.

BI University директоры қонақтарды жылы қарсы алып, университеттің негізгі қызмет бағыттары мен даму перспективалары туралы толық айтып берді. Ол тараптардың күш-жігері мен ресурстарын біріктіру білім беру және корпоративтік нарықтағы өзара тиімді серіктестікті нығайтуға ықпал ететінін атап өтті.

Кездесу барысында KAU басшысы білім беру бағдарламалары, біліктілікті арттыру курстары және корпоративтік тренингтерді қоса алғанда, бірлескен жобаларды жүзеге асыруға дайын екенін білдірді.

Сондай-ақ ол MBA серіктестік бағдарламасын ашуды ұсынды, бұл BI University басшылығы тарапынан үлкен қызығушылық тудырды.

Ынтымақтастық перспективаларын талқылау барысында тараптар бірлескен қызметті үйлестіретін және жобалардың негізгі бағыттарын анықтайтын жұмыс тобын құру туралы келісімге келді.

Кездесу соңында тараптар серіктестікті белсенді дамытуға және ортақ мақсаттарға жету үшін күш біріктіруге дайын екенін растады.