Польша дипломатымен кездесу

Қазақ-Америка университетінде студенттердің Мечислав Лапановскиймен кездесуі өтті. Ол – дипломат, Қазақстандағы Польша Республикасының бұрынғы Уақытша сенімді өкілі, Киевтегі БҰҰ Даму бағдарламасының кеңесшісі, сондай-ақ шет елдердегі сайлауды бақылау жөніндегі Еуропалық одақ миссияларының сарапшысы.

Кездесу барысында спикер дипломатия, халықаралық қатынастар және әлемдік ұйымдардағы қызметі туралы кәсіби тәжірибесімен бөлісті. Ерекше назар дипломатияның елдер арасындағы қарым-қатынасты дамытудағы рөліне, сондай-ақ қазіргі саяси үдерістердегі бақылау миссияларының маңызына аударылды.

Студенттер дипломатиялық қызметтің практикалық қырларымен, БҰҰ және Еуропалық одақ құрылымдарындағы жұмыс ерекшеліктерімен танысып, өздерін қызықтырған сұрақтарды қойып, жауаптарды тікелей маманнан алды.